شعر… فتحت إشارة سيدي بشر

محمد خميس

البحر المقفول عادي
فاتح ف قلبي و مشيد جدران و بيوت
المُعدات ع الرصيف
و السمسم المبدور على جبين النرجس قصادي
يا مريض ب الضحكه و اللمه و فتح الخزاين
واضح و باين
أنا متأخر دلوقتي ع الشغل
و بنات أفكاري صراخ مكتوم
و أنا أب مثالي
مش داري حتى ب أحوالي
و لا حاسس صيف
الحر طراوة جسم إنهد
و عليل القلب دواه ساتر
فرفط رمان
إرقص حواليك
نفس الأشياء
نفس الكَرَه
الغِل ب يكسر ف الجرَه
و الضِل ثبات
ميت ب يصحى ف أموات.
بليد واقف ف أول صف
و جدران