السوهاجية : شلنا حسني وأعوانه.. جالنا مرسي وإخوانه

22

تقرير: إبراهيم عبد الروؤف

مع قرب مجئ 25 يناير كانت هناك حالة من التساؤل بين طوائف الشعب المصري لمحافظة سوهاج فالكل يريد ان يعرف هل هذا اليوم هو يوم احتفال بتطهير النظام الذي مكث ثلاثين عاما بكل جبروته ام هو مواجهة للنظام الحالي الذي لا يختلف كثيرا عما سبق ام يخرجون ويطالبون باستكمال مطالب هذه الثورة ومحاكمة كل من تسبب في اهدار دم المصريين في هذه الثورة.

قال السيد حميد صاحب ورشة رخام لقد صوت علي الدستور بنعم وانا لا ادري كل مواده ولكن قلت لنفسي خلي البلد تمشي الحال واقف وادينا داخلين علي يوم 25 يناير ويارب يكون فيه جديد ميكونش شلنا فيه نظام وجبنا نظام زيه بس المستخبي وراء الدين مش حنحتفل الا بعد استكمال الديمقراطية واضاف راشد عطية صاحب ورشة لحام يوم 25 ايه اللي عيزينا نحتفل بيه احنا ربنا نصرنا وقدرنا نشيل حسني واعوانه بس جبنا مرسي واخوانه والحال زي ماهوه مفيش غير غلا وبلا وهاتوا ضرائب وهاتوا عوايد وادفع يافقير ده عهد حسني كان ارحم علي الاقل كنا لاقيين سولار وبنزيم مش حنحتفل الا بقي فيه عدالة اجتماعية مش غني وفقير .

واستكمل مصطفي سعد الدين روحوا طوابير العيش وشوفوا الناس بتجيب العيش بالذل وكمان عايزين تدوو الواحد 3 ارغفة في اليوم دحنا صنايعية الوحد فينا في الطقة ياكل رغفين علي الاقل 25 ايه اللي نحتفل بيه ياعم روح شوف حال البلد احنا مجبنكمش علشان تخلو الحال اسوأ مما كان ياخواننا سيبوا مصالحكم الشخصية وتعالوا نحط ادينا في ادين بعض بكده نعدي ده البلد دي راح ضحيتها اخوية واخوك وابويه وابوك كل ما نقول 25 يناير بفتكرهم وعاوز اشكرهم علشان صنعولنا ثورة حتي لو كان سرقوها حيجي يوم ويطلع النور طبعا حاحتفل لما تكمل وحدتنا ونبطل نقولوا ده الحزب الحاكم يعني زي ما بتقولوا انتوا يا متعلمين حيبقي فيه عيش وحرية وعدالة اجتماعية.

واضاف علاء محمد القاوي لن نسمح بان يسرق منا ثورتنا مرة ثانية وسوف نطالب بحقنا القديم والجديد والقصاص لاخواننا الذين فقدناهم لهذه الثورة وهذا ما اكده كثيرا من المواطنين قائلين اننا لن نحتفل بهذه الثورة الا بعد استكمال اهدافها وهي العيش والحرية والعدالة الاجتماعية ولن نوافق اخونة الدولة فمصر لكل المصريين.

واشار المهندس احمد السيد انا مش بحرض اننا نطلع بمظاهرة لكن بقول ايه المانع احنا نطلعواونقولوا علي الحاجة الغلط مينفعش تبقي البلد ملك فصيل واحد يعني ايه اقول قرار وانا ماحسبش عقباه ايه مش غلط اني ارجع في قرار غلط حيسبب فتنة بين الناس ولابد اخد براي الاخرين واصحاب الخبرة كان نفسي احتفل بس حاحتفل وانا مش حاسس بالامان.

اترك تعليق

يرجي التسجيل لترك تعليقك

شكرا للتعليق