ياريت ..بشرى المغربي – لبنان
يسر جريدة الأهالي أن تقدم لقرائها صفحة إبداعات تواكب الحركة الأدبية المعاصرة في مصر و العالم العربي و الترجمات العالمية ..وترحب بأعمال المبدعين و المفكرين لإثراء المشهد الأدبي و الانفتاح على تجاربهم الابداعية..يشرف على الصفحة الكاتبة و الشاعرة/ أمل جمال . تستقبل الجريدة الأعمال الابداعية على الايميل التالي: Ahalylitrature@Gmail.Com
ياريت
بشرى المغربي – لبنان

ياريت يابيِّ آاخ لوفيِّ
عاقدّ حبِّي جبلك هديّة
كنت بلملمك شدا الوردات
رشة ورد وأسرار الآلوهيّة
وهديتي تا تسعد البسمات
قد السما والكون والميِّ
ياريت يابيِّ آاخ لوفيِّ
لملم من عيون السما نجمات
وحيكن عا صدرك هديّة
وضوي بليلك أجمل القمرات
بقدملك بابيِّ ضو عينيِّ
ياريت يابيِّ آاخ لوفيِّ
أُركض عاحضنك وأغفا شوي
تاشمّ عطرك ووزع الوردات
يلّي انسقوا من يد حنِّيّة
وألمح بعينك دمعة الآهات
مع كلّ غمرة شوق مخفيّة
ياريت يابيِّ آاخ لو فيِّ
لرجّع ليالي الكنت معكن سوّية
وبدينتي لستي صدى حكايات
من غدير الشوق مرويّة
وعاشعري بتكّر اللمسات
دياتك يا إمّي اللكلّا حنيّة
وبنهرة تقلّي كبّري هالعقلات
ديري بالك ع حالك شويّ
ياريت يابيِّ آاخ لو فيِّ
أغرف من بحور الدنِّي دفقات
ورشن عاوجعك تا ينطفي شويِّ
ومن كلّ ضحكة بسرق السحبات
تايضلّ وجّك يُشرق علييّ
ومن كل وردة بفرط الورقات
وبفرش طريقك عطر جوريّة
وبحيِّك من غيوم السما كنزات
يلفلفوا جسمك راحة ونعوميّة
ياريت يابييّ آاخ لو فييّ
أسرق من عيون الهنا غفوات
ورشرشن عا جفنك خطيّة
بلكي بليلك بكلخ الآهات
المحروم منها بخوفك علييِّ
وبرجّع لقلبك غمرة الدّقات
دقّة فرح ودقّة ألوهيّة
وهيهات يتحققوا بفعل هيهات
عاقدّ ما عندي صفا نيّة
وبدعي لربّي يطوّل الأيام
وتضلّ فيهن زهرة مضويّة
وبقدملك من قلبي تلات دعوات
طول العمر ..
والفرح باللمّات ..وعمري بقدموا هدية

التعليقات متوقفه