علبة بخور ..شعر ..رجب الصاوي
يسر جريدة الأهالي أن تقدم لقرائها صفحة إبداعات تواكب الحركة الأدبية المعاصرة في مصر و العالم العربي و الترجمات العالمية ..وترحب بأعمال المبدعين و المفكرين لإثراء المشهد الأدبي و الانفتاح على تجاربهم الابداعية..يشرف على الصفحة الكاتبة و الشاعرة/ أمل جمال . تستقبل الجريدة الأعمال الابداعية على الايميل التالي: Ahalylitrature@Gmail.Com
شعر
علبة بخور
رجب الصاوي
جربندية
حاجات قديمة مصدية
وارثها عن ابويا وجدي
من يوم ماكان في الجهادية
عايشين معايا سنين وسنين
خمسين سنة أو قول مية
وهما جوه البيت ساكنين
يحكوا لي ع الزمن الماضي
واحكي لهم ع الزمن الحزين
علبة بخور ..
جربندية
بيفكروني أنا وهي
بليالي حلوة ترد الروح
جنب القمر فوق السطوح
والنيل بيحضن في الميه
والنسمة بتعدي علينا
تغسل همومنا المنسية
علبة بخور
جربندية
مع الزمن دبلت خالص
واللا لساها شوية ؟!
التعليقات متوقفه