لجنة النقل بالبرلمان: توجيهات الرئيس بشأن حادث قطاري العياط تؤكد أن الملف تحت رعايته.. والوزير يقر بوجود تقصير

وأضاف قرقر موجها كلامه للنواب باجتماع لجنة النقل اليوم: تأكدوا أن هذا الملف تحت بصر سيادة الرئيس وتحت رعايته، منذ لحظة الحادث.

وتابع: الشائعات سلاح تستخدمه أجهزة المخابرات الدولية والعالمية منذ قديم الأزل، وهم مش قادرين على مصر العصية على الخارج، بيحاولوا ببعض الشائعات.

وتابع: في حادث العياط، معالي الوزير بيقر ويعترف بقصور حصل، والنيابة العامة قالت، وبعد كده إحنا هنتابع، وأنا هقول توصيات للجنة.

وشدد: اللي يعرف أو ما يعرفش، ما بنهزرش، ومعالي الوزير عارف الكلام ده عني، إحنا ممكن نكون أصدقاء ونقعد مع بعض قبل تولي الوزارة بصفة أن أنا دقهلاوي وهو دقهلاوي، بس هو يعرف أن ما مش هجانا.

وأضاف: “كثير من زملائي في اللجنة بيقولوا دي حاجة غريبة وحيد قرقر، أكتر واحد صاحب الوزير، وأكثر واحد بيقصوا على أعضاء الحكومة اللي بيجوا من عنده.

قلت لهم عشان هو لو عرف أن واحد منهم مقصر وأنا فوت، هيزعل مني.

بالإضافة للأهم من هذا وذاك: أنا ما فيش على راسي بطحة لحد، قولا واحداً، وهو قاعد جنبي ما طلبتش طلب شخص، عمري ما طلبت طلب شخصي، قولا واحداً”.