شن النائب سليمان وهدان، وكيل مجلس النواب، هجوماً حاداً ضد وزير الزراعة الدكتور عزالدين أبو ستيت، بسبب أزمة الأسمدة الزراعية، وقال “وهدان” خلال الجلسة العامة مساء الاثنين؛ إن الجمعيات الزراعية موجودة والأسمدة موجودة، والوزير “مش موجود” وما بيردش حتى على التليفون.وانتقد وكيل البرلمان “أبو ستيت” بعد أن ترك الفلاحين يعانون مع السوق السوداء، متهمًا إياه بتجاهل الفلاحين وعدم الاستماع لمشكلاتهم وحلها.
وقال “وهدان”: “الفلاح يستغيث، والوزير قال هيشكل لجان، لازم يتم حل مشكلة أسعار الأسمدة وتوفيرها بسعر مناسب للفلاحين، والمشكلة مش عند الفلاح، المشكلة عند الوزير، هناك مشكلة في التعاقد، الوزير ترك الفلاح المصرى عرضة للسماسرة والسوق السوداء، الفلاح النهاردة بيشترى الشيكارة بـ600 جنيه”.
وتابع وكيل المجلس: “الوزير يقول حاضر وأوامر، وأكثر من مرة كلمته عشان يخلص الموضوع ومفيش حاجة حصلت، للأسف الجمعيات موجودة، لكن وزير الزراعة ضد الزراعيين والفلاحين وضد الزراعة، وكلمت رئيس الوزراء وقولت له إن وزير الزراعة عنده مشكلة يعانى منها القطاع الأكبر من الفلاحين أكثر من 8 ملايين، وجمعيات الإصلاح وشباب الخريجين، طيب بعد ما نكلم الوزير ورئيس الوزراء، نروح لمين؟، لازم رئيس الجمهورية يتدخل، الوزير للأسف لا يسمع للفلاح، والفلاح المصرى يئن، نعمل إيه في وزير الزراعة، مش عايز يرد على التليفون، يعنى إيه هتشكل لجان، اللجان يعنى في التلاجة يا أفندم، هنعمل ايه مع حضرتك، الأسمدة موجودة وحابسها”.
التعليقات متوقفه